劉偉強最近進軍荷李活拍攝首部電影《TheFlock》，但早前傳出電影公司BauerMartinezStudios老闆兼監製PhilippeMartinez睇片後不太滿意，更要求撤換導演補戲。補戲的確是事實，劉偉強承認曾極力反對此事，不過他否認自己在荷李活踏出的第一步遇上阻滯。
劉偉強最近拍攝西片《TheFlock》，不過電影公司睇片後不太滿意，要求撤換導演補戲，對此他當然極力反對：「我覺得如果補完對劇情有幫助，我唔mind，可以令票房多3,000萬嘅話，我一定贊成，但我睇唔到有乜幫助！不過香港拍戲都一樣，導演剪好片，監製睇完唔鍾意都可以要求補戲。」
其實《TheFlock》早於8月已在日本上畫，但劉偉強上周六才啓程到美國睇剪完片之後的最後版本，他說：「我係去睇finalcut，部戲出嚟都係想我哋鍾意啫！」
李察基爾內地開店
《TheFlock》由李察基爾（RichardGere）及嘉露兒丹絲（ClaireDanes）出任男女主角，雖然電影已經拍完，不過劉偉強與李察基爾仍偶有通電，他大爆對方想在中國開雪糕及甜品店，他說：「RichardGere對中國有份情義結，亦都覺得中國好有發展，所以佢想喺中國開shop，佢話玩具、雪糕、甜品呢類店小朋友去到會好開心，可以帶歡樂畀人，諗法好簡單。」
大讚嘉露兒唔擺款
提起嘉露兒丹絲，劉偉強指鄭秀雯與舒淇的演戲方式跟她很相似，一個有難度的表情，都可以演繹得相當自然，對於這位女主角他更是有讚冇彈，劉偉強說：「我睇完佢試鏡，感覺好特別，佢都算係大明星，但好nice，唔係扮出嚟，你知香港好多女明星都好扮嘢，係咪扮嘢我一眼就睇得出，佢嘅戲演得好好，要做一個特寫表情，可以演到好自然，絕對唔係花瓶。」
採訪：魯萍
攝影：陳順禎