02/11/07.....
多雲有雨
最新動態
上月恒指再有15%嘅升幅，小弟亦以相約盈餘結束10月份擂台。多得各同事承讓，終於恨到個1哥位坐吓，全靠單棍重注阿仙奴小虎隊得手，去到最後關頭，你最信得過嘅都係陪咗你近30年、同喜同悲嘅愛隊。
白賴仁笠臣教波黑口黑面，從來冇令我有好感過，睇錫菲聯隊波嘅處境，佢未必教得到季尾；不過阿仙奴班小虎隊嘅表現，未有太大驚喜，一來對手太弱，另外波士雲格今屆玩勝利陣容，部份今次出場嘅大牌球員好似雪到硬，或有感不受重用，上腳多了以表現自己，踢得不太快樂，連隊長臂章都交給第3號龍門法比安斯基，吓，雲格想迫走基拔圖施華？
攀得高峯，運氣及策略缺一不可；但做人最緊要咪迷失方向，一個月近千場球賽，切戒濫買亂賭。港股升到唔識停，連北水效應都出埋，阿里巴巴（1688）暗盤價話升1倍，咁似當年嘅TOM仔，好消息似有無窮無盡，但歷史不斷循環，我都驚阿仙奴黑色11月再臨！
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/