今周六挪超聯上演煞科戰，以上周瑞超煞科戰作參考，有戰意球隊多見大勝，亦甚利主隊，利尼史特朗及維京主場出擊可以信賴，向大波膽埋手；西甲馬略卡有小島威力，博贏華倫2:1。
維京有權翻冧贏3:1
挪超聯賽制方面，冠軍球隊來季參戰歐聯，2、3名則參戰歐協盃；白蘭恩今季已提早封王，餘下由史達比克、維京及利尼史特朗3隊爭2至3位；其中第4位的利尼史特朗，主場對篤定降班的辛廸夫佐特，戰意決定一切，唔使多心，博「主其他」。
維京賽前處第3位，形勢雖然比利尼史特朗好，不過贏波更穩陣；對手華拉倫加處第7位，正式無欲無求，上仗亦已主場贏波謝幕，今仗鬥心成疑；維京上仗雖然被白蘭恩大炒5蛋，不過主場有一定保證，亦有兩次贏3:1紀錄，可以再追。
同日西甲聯賽，華倫西亞有新教練朗奴高文接手，預料今仗會受追捧。
不過今季西甲換教練球隊，再出都冇咩好結果；而且朗奴高文貴為荷蘭教練，執教一支以西班牙人為主的球隊，我唔信短期就可改善；馬略卡今季繼續保持小島主場威力，5戰取得3勝1和1負，順住個勢，博馬略卡贏2:1，贈對手4連敗。
文：牽牛
貼士
波膽過關3串7（部份為參考賠率）
星期六43利尼史特朗勝主其他（12倍）x
星期六48維京勝3:1（12倍）x
星期六53馬略卡勝2:1（8倍）
全中1,520倍