人係善變嘅,季初講明閂水喉嘅車路士班主阿巴莫域治,日前改晒口風,將給予新帥格蘭1億鎊(約16.1億港元)擴軍!車仔為買細哨,一張7,000萬鎊支票已準備就緒,而1,200萬鎊就用喺安歷卡身上,再加多兩名莫斯科中央陸軍球員,湊夠1億鎊。保頓今季雖頹,但「麻煩友」安歷卡做足本份,連車仔都吼佢,就明白知錯能改,善莫大焉嘅道理!