仲記得前法國國腳、形象不修邊幅嘅多拉素嘛？佢去咗利禾奴後，一場波都未踢過……卒之，周三意甲「艇隊」戰，兩隊未喺聯賽開齋嘅利禾奴同里賈納相遇，前者贏3:1，入波冇佢份，但一樣備受關注！事緣烏雲蓋頂嘅多拉素拒降格踢青年隊，球隊忍唔住同佢解約，點知就即刻贏波，唔通呢鋪真係撥開「烏雲」見青天？