現今球壇真係好鬼騎呢，好似阿士東維拉隊長巴利咁，得嗰26歲仔就得到會方搞紀念賽多謝佢嘅忠心，領隊奧尼爾話現時好少球員肯效力球會咁多年（都係9年啫）喎！我求大俠覺得維拉咁做，無非都係想收買人心，等巴利唔好過檔大會，不過因為咁而搞場紀念賽就誇張啲。如果以後大大小小嘅球會都搞紀念賽，又會唔會濫咗啲呢？