啲Friend話《色，戒》好睇，小妹拖吓拖吓，早幾日先有時間一開眼界，戲中情慾戲固然睇到小妹流晒汗，但係易先生動粗對待王佳芝，又綁又皮鞭嘅床上戲，好有SM（性虐待）feel，就更加睇到小妹心跳加速，心諗或多或少反映佢當漢奸嘅壓力。
同性商店啲老友傾開，佢哋都話港人到性商店購買SM玩具都好普遍，Loveshop嘅Eric話：「都係普通人買，唔使一定係漢奸咁誇張。」佢話兩、三成客買SM玩具，大多會選購手銬、低溫蠟及小皮鞭等「微量級」玩具：「都係玩吓啫。」歡樂性商店店員嘅郭小姐笑笑口話，買SM玩具嘅客唔係「窮兇極惡」，反而多斯文客甚至OL。
吓，OL都買，心郁郁想試吓，都係問一問家庭醫生關嘉美先。關嘉美話，SM始終帶侵犯、侮辱含義，長久沉迷會使用越嚟越具傷害性的SM用具，或會傷害對方，唔建議買呢啲玩具：「我唔覺得易先生真係鍾意個女仔，佢用嚟發洩之嘛。」
逢周一至周四刊出