01/11/2007.....
有雨
最新動態
前晚碰巧睇到公仔箱一個新聞節目，走訪香港「貓頭鷹」一族，有人通宵book房睇漫畫書、有人為客戶昅實美國股市賺錢養家，又有電台DJ撫慰聽眾嘅心靈，其實我與一眾體育組同事，同樣係夜生活一族，不過我哋多不寂寞。
打工仔返工後各自各精采，做得我哋呢行，對體育無濃厚興趣都幾痛苦；返工時間唔短，日夜顛倒，如果返到屋企百無聊賴，睇番場高水準嘅足球賽都係唔錯嘅選擇，對自己度故仔同寫評論幫助甚大。不過學一位前輩話齋，𠵱家高水平嘅球賽唔多，兩個收費台濫播程度幾近瘋狂，睇到盲目唔稀罕。自己又未去到唔稀罕嘅境界，不過每逢踏入冬令時間都有進退兩難嘅處境，好似今晚深夜5點，先播華拉度列對巴塞隆拿，就算未到寒風刺骨，漫漫長夜都幾難過，還是放棄早啲搵周公好了。
幸好我唔使與上司公務應酬吃宵夜唱K，又唔使好似明星仔咁陪導演飲酒，又不喜深宵玩走地盤，依然忙碌充實，感覺自在。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報