趙式明、馮詠儀及丈夫林詩棋等前晚到西港城，欣賞PringleofScotland時裝騷。接掌家族生意的趙式明指自己與一般白領無異，每日朝十晚六還要開OT，加薪也與廣大OL一樣是4%，問到天天上班要穿套裝是否很悶？她指早已習慣，最重要是不遲到。
蘇格蘭時裝品牌PringleofScotland前晚在西港城，舉行07秋冬時裝騷，趙式明和林詩棋馮詠儀夫婦等前往欣賞。問單拖出現的趙式明為何不見男友胡文新？她說：「唔好講佢啦。」
多啲津貼
趙式明大讚Pringle新裝後生girly，她說：「以前我都成日買呢個牌子嘅衫畀爹哋，估唔到新collection咁後生。」問如何吸收時裝知識？她說：「細個由睇《VOGUE》開始，𠵱家冇時間，只會喺salon揭吓時裝書。」
已接管家族生意的趙式明每天上班均要穿套裝，問她會否感沉悶？她說：「都習慣咗啦，都有好處嘅，咪係唔使諗囉，悶唔悶冇所謂，最緊要唔遲到。」她指自己與一般白領無異，每天朝十晚六，還要開OT，問她工作如此辛勞有否加人工？她說：「香港人普遍加4%人工，咁我都係加4%囉，不過我係爹哋個女，會有多少少津貼嘅。」
沉色主導
前晚由21名模特兒示範的PringleofScotland新裝，主題刻意玩對比，如誘人對世故、嚴肅對活潑，線條以50年代的美學為依歸，色調主要為深沉的黑，再與酒紅色、咖啡色及灰色等擦出火花。
採訪：DebbieLum
攝影：ChenWaiOn
