古天樂前晚出席主演的新戲《鐵三角》首映禮，因擔任楊千嬅演唱會嘉賓跟女方咀嘴，被指咀出感情，同時間千嬅跟丁子高又傳出戀情，三人大搞三角戀，古仔被問到可信千嬅跟丁子高拍拖，他以一貫標準答案回答說：「唔係事實嘅嘢我冇回應。」被問到可會祝福對方覓得意中人，他仍以不回應作答。
杜琪峯、徐克、林嶺東前晚率領古天樂同任達華往中環出席新片《鐵三角》的首映禮，由於是晚首映由古天樂擔任代言的手錶TAGHeuer贊助，令到身為歐米茄代言人的任達華前晚顯得十分避忌，未有站於印有TAGHeuerlogo的backdrop前，怕得罪自己的廣告客戶。
開心角逐金馬獎
近排因擔任楊千嬅演唱會嘉賓而跟女方咀嘴，再度與千嬅傳出緋聞，有指楊千嬅跟丁子高拍拖是向他示威，問可知千嬅跟丁子高拍拖，他以一貫作答模式說：「唔係事實嘅嘢唔回應。」問他會否祝福對方，古仔續說：「唔回應。」提到以《門徒》角逐本屆金馬獎最佳男配角，古仔表示：「梗係開心，其實有得提名同入圍，能唔能夠攞獎都係開心同有好大鼓勵。」至於信心方面，他稱並未想過。
另外，三位導演早前在東京電影節表示每人會開一部戲讓古天樂擔正，其中徐克表示想搵古仔演老生，古仔聞言說：「我喺《黑爸爸》都由年輕人做到老，不過真正做老生就未試過。」
Sammi將拍新片
徐克透露今年會開拍電影《女人不壞》，他表示暫落實周迅演出，其他卡士未定，提到有指他有意找蔡依林合作，徐克表示：「我同佢見過面啫，我想見吓佢真人，睇吓啱唔啱部戲，發覺見佢真人同上鏡好唔同，真人瘦同高，笑容都多好多。」他指因欣賞過女方的MV後，正打算找合適角色予她，會給幾個劇本予她選擇。
此外，林建岳承認鄭秀文即將開拍由麥兆輝執導的寰亞新戲，問Sammi的角色是否很特別，林建岳說：「好特別，佢兩年冇拍戲仲唔特別？」而杜琪峯被問到可會開戲予Sammi跟劉德華合作，他說：「佢哋合作咗好多次，配搭太悶。」
採訪：魯萍
攝影：陳俊強
