新鮮出爐亞姐冠軍張家瑩，被指醜樣兼面闊，令她與早前同樣被指醜樣闊面的2007年港姐冠軍張嘉兒，雙雙成為話題。雖然同是天涯pizza人，但張家瑩表示張嘉兒的五官大，故面部面積才能合襯，並自稱腮骨大才有人寫。
應屆香港小姐冠軍張嘉兒，昨日在將軍澳電視廣播城為12月初到海南島參加的「世界小姐競選」試晚裝造型，對於再次被指闊面醜樣，更被網友將她與出爐亞姐冠軍張家瑩相提並論，她說：「大家咁啱都係姓張，面形就唔知，未見過佢真人，唔可以睇相決定。」
「我哋呢啲係福相」
未知是否經常被批評pizza面，故張嘉兒自言有做瘦面療程，問到是否接受不到自己面大時，她說：「我哋呢啲係福相，唔怕俾人話，只係瘦面療程係港姐獎品。」張嘉兒表示希望張家瑩能夠應付得到負面新聞，對於網友指她靚過張家瑩，她說：「佢都好靚，大家都靚。」
另一方面，亞姐冠軍張家瑩昨日到尖沙嘴領取價值10萬元的汽車獎品，對於被網友狠批不夠靚，她說：「冇唔開心，我反而覺得大家都注意我係一種榮幸，批評都係注意嘅一種，希望大家接受我。」
對於網友批評pizza面，以及與港姐張嘉兒似樣，張家瑩說：「父母畀嘅嘢改唔到，𠵱家自己個樣OK，我唔係有腮骨你哋都唔寫我咁多。張嘉兒都幾靚，而且佢五官都大，面部面積大啲先可以襯番佢，咁大家覺得似咪似，不過始終都唔一樣。」
過來人：面大搶鏡
此外，同樣被指面大的黃宇詩則力撐今屆港姐及亞姐，她說：「唔係面尖就靚，面大可以搶鏡，而且佢哋兩個都幾靚。」
採訪：王崇穎、卓寶花
攝影：陳志嵐
臉大食四方
資料庫：港姐積弱三年
近三年亞姐的質素均比港姐優勝，不過自樣貌普通的張家瑩當選亞姐冠軍後，質素似乎拉近了距離。
相士話：方臉人做股神
今屆港姐冠軍張嘉兒和亞姐冠軍張家瑩，除名字相似外，恰巧同樣擁有方臉，記者昨日致電相士區仲德了解面形帶方的人今年運程，他說：「今年係豬年，水特別旺，面形如果帶鬆，即土水面形，豬年就會有運行，如果皮膚暗黑啲會更加好。」那明年會否繼續行運？他說：「明年係鼠年，土水特別旺，所以有方面形嘅人都會行運，如果投資地產同股票，都會有斬獲。」
