日本女歌手宇多田光今年憑歌曲《FlavorofLife》大賣，盛傳佢會穩奪年尾嘅日本唱片大賞。不過光妹並非全無對手，有「日版莫華倫」之稱嘅男高音歌手秋川雅史，憑住細碟《化作千風》，成為本年唯一銷量破百萬嘅細碟，日本網友都有唔同意見。
GOLF：我想聽秋川現場唱《化作千風》。
夢美：我支持光妹，加油。
靜香：大獎當然要由全年最賣得嘅細碟攞啦。
HIKARU：秋川隻碟係舊年出，冇可能。大獎唔頒畀光妹，就應該畀KOBUKURO，但avex可能又會使橫手畀倖田來未。
光妹離婚後越戰越勇，而且近排佢又轉走親民路線，唔抗拒上電視宣傳。不過有機會爭獎嘅黑馬都唔少，睇怕未到最後都唔知結果。
網址： http://ameblo.jp/uraurageinou/entry-10052667283.html