小雪、戚黛黛、樊奕敏和威利等前晚現身中環一酒吧，為新處境喜劇《靈舍不同》作萬聖節宣傳。小雪稱今次跟亞視以部頭形式簽約，因未想找一間固定的公司，問她拍劇可會影響湊女？她說：「時間OK，請咗工人，佢𠵱家都3歲返幼稚園，都有時間睇佢功課。」
「大家冇聯絡」
問小雪其前夫陳迅元可有給她贍養費，她說：「佢冇照顧過我兩個，佢唔會畀。」為何不找律師追討，她說：「我邊有咁多錢請律師，𠵱家大家冇聯絡。」問到小雪的經濟狀況時，她說：「我都有接show，今次拍劇酬勞都唔錯，生活唔成問題。」目前可有拍拖？小雪謂：「今次識人會睇耐啲，𠵱家年紀都唔細，一定會成熟過之前好多，睇人詳細啲。」
此外，戚黛黛表示在劇中扮演一名60年代的妓女，是一隻女鬼，她說：「之前喺TVB幾年都未拍過劇，今次係新嘗試。」她又指酬勞滿意，希望可多賺些錢養家。
採訪、攝影：卓美娟