熱愛潛水的名模楊崢，早前放假到馬爾代夫八日，她學潛水三年，已考獲高級潛水牌照，她謂在當地住在私人小島Baros的獨立屋，每天潛水過足癮。
見識海洋生物
馬爾代夫水清沙靚，海洋物種比香港及亞洲都豐富，楊崢說：「今次見到一種叫MantaRay嘅魔鬼魚，佢哋好得意，每年4月至11月，都會游去特定嘅海域『清潔站』，張大口，俾啲魚仔、蝦仔游入口清潔寄生蟲。我今次仲見到好多小丑魚，我叫佢哋做『徐小鳳魚』，因為佢哋係黑白波點，好似小鳳姐嘅歌衫咁。」楊崢又透露此行與海龜同游，又見到鯊魚，只可惜當地有大風雨，未能夜潛看夜間海洋生態。
撰文：DebbieLam