【本報訊】參加立法會港島區補選的前任政務司司長陳方安生，昨日公佈主題為《民主自由．仁愛公義》的參選政綱，表明堅持爭取2012年雙普選，「我睇唔到有任何原因，點解我哋唔能夠落實2012雙普選，香港人係有足夠嘅智慧，去選出賢能，好好管治香港！」陳太又揭穿對手保安局前任局長葉劉淑儀早前提出旨在篩走泛民候選人的特首選舉機制，以及未有堅持爭取2012雙普選的真面目，「所以我覺得喺呢一方面，如果大家係支持真正民主，就應該選我，而唔係選葉劉淑儀！」
「葉太完全唔同」
陳太昨日在助選團陪同下，公佈她過去一個月接觸市民和團體後訂出，以推動2012雙普選為首要目標的政綱。陳太過去成立核心小組研究政改時，曾稱假如特區政府能提出合理理由，應不遲於2016年落實雙普選。為此，陳太昨日解釋目前堅持2012年雙普選的原因，「自從3月我推出核心小組的建議後，我冇接到任何市民或者政府的建議，係有充份理由去推遲呢一個日子，所以我𠵱家堅持，2012年係絕對有條件，市民亦早已準備好去迎接雙普選。」
被問及她與對手葉劉淑儀的分別時，陳太指出：「葉太同我完全唔同，我係支持2012真真正正推行雙普選，葉太畀我嘅印象，就係表面上話支持2012年雙普選，但同時亦都話可以2016或者2017年先普選。」陳太又指出，只要市民細心留意葉太的普選方案，就會發現葉太倡議的是一個為普選設下更多關卡的篩選制度，葉太的2012特首普選方案指出，特首參選人須取得提名委員會四大界別，包括商界各10%提名。
反對設篩選機制
陳太表示，反對在選舉中加入任何篩選機制，「因為如果要符合國際規定，同《基本法》有關普選的定義，即係普及而平等，我哋係唔應該設一個篩選嘅機制，令市民唔能夠選出佢哋想見的行政長官同立法會議員。」被問及當選後，會如何向中央爭取讓香港在2012年實行雙普選時，陳太稱，國家主席胡錦濤過去強調施政要以民為本，要聆聽和反映市民意見，「所以我相信我今次參選，就算係推動一人一票，同胡總書記嘅目標係一致嘅，係冇乜分別嘅。」
陳方安生政綱重點
‧堅持2012年落實雙普選，取消區議會委任制
‧落實民主普選前，反對進一步擴大政治委任制度
‧國家應該早日就六四問題，向受難者和其家屬作出公道交代
‧支持增加生果金，長者醫療半費
‧支持為清潔和保安行業，立法訂定最低工資
‧全面檢討母語教學成效，落實小班教學
‧增加對家庭主婦和低收入婦女的支援
資料來源：陳方安生參選政綱