繼張嘉兒當選港姐冠軍被彈闊面醜樣後，樣貌平庸的張家瑩前晚當選亞姐冠軍，也遭網友勁彈醜樣。除佳麗樣貌不濟外，前晚亞姐總決賽收視更跌破近年新低，平均只得7點，僅45萬觀眾捧場，成績實在慘不忍睹。
本年度亞姐前晚誕生，不論樣貌和身材皆十分平庸的香港代表張家瑩，竟意外地撼低一眾高質素海外佳麗摘下后冠，令全港觀眾及網民大跌眼鏡之餘，更大喝倒采，不少網友更狠批張家瑩十分醜樣，其方闊面形與跟她名字相似的應屆港姐冠軍張嘉兒不但不分高下，二人驟眼看來更有幾分相似。
狂食自助餐
其實亞姐乃亞視代表人物，但過去兩屆亞姐冠軍均是海外及內地佳麗，令亞視每次舉行宣傳活動時，要安排她們來港出席也倍感不便，難免令人聯想到今屆挑選香港代表做冠軍，無非是方便日後為亞視做宣傳罷了。
現年23歲的張家瑩家底相當不俗，其家族成員分別經營利達建築工程有限公司及利達室內裝飾設計有限公司，家住荃灣青山公路的私人屋苑金麗苑。前晚賽後，張家瑩先出席在沙田麗豪酒店舉行的慶功宴，她的父母、胞弟及祖父也專程乘平治房車往祝賀。慶功宴上張家瑩狼吞虎嚥地吃自助餐，問她是否餓了很久？她說：「好耐冇好好食過，但我都唔敢亂食，要keep住，因為自己攞咗個完美體態獎。」
收視創新低
張家瑩剛在英國UniversityofLeeds畢業便參選亞姐，對於被指貌似張嘉兒，張家瑩昨日接受記者訪問時說：「我啱啱返香港，都唔知邊個係港姐冠軍。」問她可知張嘉兒被評為歷屆最醜港姐？張家瑩說：「如果人哋話我醜，我都唔知點算，世界一定有人鍾意或唔鍾意我，不過個樣父母生成，冇辦法，我只會盡量做好自己，希望改善大家對我嘅感覺。其實似咪似，都唔代表乜，我覺得有批評，總好過冇人留意。」
除出爐亞姐冠軍張家瑩樣貌被彈醜樣外，前晚亞姐總決賽的收視更跌至近年新低，即使亞視以賣弄佳麗性感身段作招徠，但平均收視只得7點，即觀眾人數僅得約45萬，成績實在慘不忍睹；反觀06及05年度亞姐總決賽的平均收視，均有雙位數10點（即分別有約64萬及66萬觀眾）。
至於無綫前晚用以對撼亞姐的《一擲千金》和《味分高下終極踩台》，平均收視分別有26點（約有169萬觀眾）和27點（約有175萬觀眾）。不過，《味分高下終極踩台》和亞姐總決賽分別接獲一宗投訴，分別是噴食物教壞細路及侮辱女性，而《味分高下》整個節目累積投訴為70宗。
採訪：王崇穎、卓寶花、比華利
攝影：葉君海、林德雄
街訪：「做女友真係唔要」
樣貌平凡的香港代表張家瑩當選亞姐冠軍，引起網友熱烈討論，有人指今屆港姐冠軍、闊面張嘉兒比她還要漂亮，質疑賽果不公。記者昨日進行街訪，有受訪人士指張家瑩和張嘉兒均闊面，同樣不漂亮。
丘先生：兩個都勁醜，正常選美都應該瓜子口面，舊年個舒夫真高都好啲，質素下降晒，如果搵嚟做女友或者老婆，我真係唔要，要搵優點嘅話，遮咗個頭就有，乜07年興方面嘅咩？
張小姐：兩個都唔靚，個港姐面闊鼻扁，唔應該做冠軍，啲質素連入圍都唔得啦。
阿輝：兩個都咁醜，真係唔掂，身材就OK，要我畀分都合格僅僅似個女人咋。
陳先生：兩個都唔靚，個亞姐冇厘貴氣，除咗有啲自信外，其餘都差唔多，真係講唔出有乜好。
一網講盡：「四方面港女玩晒」
deomh：亞姐港姐都係四方面！四方面港女07年玩晒！
磊磊~~：真係唔知點解張家瑩拎冠軍，個感覺好似張嘉兒。
opg：陰謀論咁睇，車又造畀佢，冠軍又係佢，8號唔算好醜，不過拍埋成班靚女，佢係最唔突出嗰個，所以條氣唔順。
小興-KK：8號拿冠軍，其實有點失望，以及唔應該入8強，起碼至少有3位內地佳麗入8強先對。
資料來源：Uwants討論區、香港討論區
