欣宜和父親鄭少秋將在下周三舉行的《歡樂今宵團圓夜》合唱一曲《天涯孤客》，兩人昨日綵排時，欣宜透露母親沈殿霞應該會出席晚會，又表示希望可以和媽咪一家三口同台演出，她說：「等媽咪好番，一定有機會嘅！」
鄭少秋和女兒鄭欣宜昨日在將軍澳電視廣播城為《歡樂今宵團圓夜》綵排，兩人合唱《天涯孤客》，也是螢幕上第一次合作，欣宜表示很開心興奮，因為從未唱過父親的歌。秋官表示可以和女兒同台唱歌很難得，問他欣宜表現如何，他說：「仲使講，梗係好啦，好難講畀幾多分嘅，喺我嘅心目中佢超過100分，佢係我嘅產品嚟㗎嘛。」欣宜即說：「當然可以再好啲。」
稱入院做檢查
欣宜希望將來和媽咪沈殿霞及父親同台演出，她說：「等媽咪好番，一定有機會嘅，我一定叫媽咪做埋一字馬㖭。」她又透露母親應會出席下周三的晚會，她說：「睇吓佢精神點，應該會嚟，大家一齊幫佢打氣啦，希望佢精神好啲。」問秋官可想一家人拍套劇，他說：「都好喎！」
昨日早上8時許，接載肥姐的七人車駛離九龍塘寓所，至11時左右才折返，有指肥姐前日入了瑪麗醫院，昨日出院，欣宜的外籍男友約中午12時往探肥姐，逗留了一小時離去。欣宜對此說：「佢去做bodycheck啫，今日出番院啦。」問肥姐是否如傳聞般又食了大閘蟹，她說：「Touchwood，no！普通人都注重飲食啦，何況佢做咗咁大嘅手術。」
秋官讚準女婿
肥姐近日脾氣似乎不太好，欣宜說：「佢想過正常人嘅生活，行吓街咁，但每次出街都好多人圍住。」秋官即搭嘴說：「我激親佢囉！」欣宜又說：「佢喺屋企唔會咁𤷪，冇人激佢OK嘅。佢知道我嚟表演，仲叫我努力加油、畀心機。」
談到欣宜的外籍男友，秋官說：「梗係好啦。」記者指他是外父見女婿，欣宜即頗大反應說：「講到咁遠，我得廿歲，我好多朋友爹哋都見過啦。」秋官則說：「細路仔多啲社交，做吓朋友先。佢好乖，成日探肥姐，分數都畀高啲啦。」
採訪：王崇穎
攝影：葉君海
