上季西甲強豪對壘多數貼皇馬對家，今季情況將截然不同，因皇馬季初甚順外，今役對手為剛有教練被炒兼缺多名主力的華倫西亞。主隊華倫平手低水有鬼？喂，你估真係「哈囉喂」麼？反要高水的皇馬！（球賽編號：星期三39；有線61台明日4:00am直播）畢傑
華倫上仗0:3大敗予西維爾，教練科里斯未知是否玩嘢博炒，前線竟排出兩名冇態兼冇速度的艾里斯文廸及施積，間接令全場僅錄得兩次射門，但全部未中目標。歸根究柢，華倫缺少韋拿及大衛施華，攻力確實大打折扣，賽後科里斯亦被辭退，要由從未有西甲領軍經驗的B隊教練奧斯卡費南廸斯，暫時執掌職務。
華倫頹勢難有「士哥」
據悉，華倫今役續受傷兵問題困擾，韋拿、文奴費南廸斯、大衛施華、馬真拿、簡尼沙利斯及巴拉查等要員俱未能披甲。左翼維辛廸上場雖已傷癒復出，但與全盛時期相比仍有大段距離。
至於早前大勇的祖亞昆亦開始跌watt，上仗在右路發難，竟比西維爾的左閘小將荷西基斯普完全封殺，整隊攻力存有問題。就算是役有守將希古拿停賽復出倒戈，相信仍難擋皇馬進襲。
皇馬在季初的表現，比起任何一支西甲隊更具穩定性，羅賓奴持續優異的演出是其一成功原因；其二是皇馬就算採球員輪流上陣制，仍有十足的兵源作替補，正如上仗魯爾以後備身份入替，同樣取得「士哥」。
軍容上，皇馬將有簡拿華路及軒斯兩守將傷癒，廸亞拉及米基爾托利斯同樣在日前復操，目前僅餘洛賓及比比兩名傷兵。
以華倫現時頹勢，難望在對手身上取得入球，加上皇馬近6次作客米斯達拉球場得3勝2和1負。畢傑唔怕鬼，取高水的皇馬在平手盤勝出。
貼士
星期三39
華倫西亞vs皇家馬德里 0：2
讓球：皇家馬德里
半全場：客/客
盤口：平手