劉德華最近雙喜臨門，於上海的兩場巡迴個唱反應熱烈，投資的電影《兄弟》也票房大賣，華仔前晚豪擲15萬人民幣請眾演員在上海吃大閘蟹宴慶祝，他又開心得整晚大爆苗僑偉和戚美珍的情史，令二人尷尬儍笑。 上海直擊
由劉德華、黃日華、苗僑偉等主演的電影《兄弟》，上映至今票房成績理想，現時香港票房已過1,000萬元，內地更已達2,000萬元票房。華仔前晚在上海演出的第二場巡迴個唱，《兄弟》大部份演員鄭則仕、黃奕、林家棟、苗僑偉、黃日華、湯鎮業等齊集上海睇騷。
得到一班「兄弟」撐場，作為老闆的華仔興奮得自掏15萬人民幣，於上海四季酒店筵開四席舉行祝捷會，又讓眾人享用350元人民幣一隻的陽澄湖大閘蟹。
爆苗僑偉夫妻情話
華仔對於電影成績理想感到開心，他說：「超過晒自己嘅target（目標）數字，希望香港可以再收多二、三百萬票房，內地可以過三千萬就好喇！」之前大夥兒表示，若票房理想可以到泰國慶功，華仔說：「冇乜所謂呀！等我做晒巡迴演唱會，新年大家一齊有假期就可以去玩！」
另外，華仔前晚在演唱會上興奮得大爆苗僑偉最懂得向太太戚美珍講「我愛你」，完騷後他又說：「有次同三哥一齊去登台，佢有日同我跑步猛睇錶，返到酒店打畀老婆報到，點知我聽到阿戚喺電話度問佢做乜喘氣，於是我攞電話嚟講，話兩個人去跑步，唔係唔信我講嘛？點知佢話一次不忠，百次不……，哈哈哈！」
被老友戲弄的苗僑偉表示自己行得正，企得正，又與隨團的戚美珍於記者面前大晒恩愛，狂讚太太美麗之餘更捉着她的手說：「你好靚女呀，好似返咗去我哋拍拖時候！」
苗僑偉謂華仔未經他同意就在觀眾面前爆他與太太的秘密，他說：「平時老婆鬧我，我一講我愛你就冇事。」在旁的戚美珍露出幸褔的笑容。
採訪、攝影：李全
