譚燕玉（VivienneTam）近日回港，昨日她回母校理工大學補領理大頒發的院士榮譽，並分享成功心得，指熱情與耐性是其座右銘，在設計路上，成就個人風格，不要考慮太多商業因素才最重要，並且不可做「copycat」。
著名華裔設計師VivienneTam（譚燕玉）昨日到母校、香港理工大學，接受理大頒授大學院士證書，表揚她在時裝界的傑出成就及對母校的貢獻。Vivienne穿上自家07秋冬牡丹花旗袍，從理大校長潘宗光手上接受證書，她的父母、妹妹也有出席。
不滿政府側重商業
VivienneTam開心地說：「今年6月理大頒畀我，但當時我唔喺香港，今次專程由美國返嚟，父母都由加拿大嚟支持我。」她大談自己的設計生涯，在時裝路上最大推動力是來自父母，她說：「我細個好窮，見到父母咁辛苦，好想建立自己嘅事業，改善佢哋嘅生活。」熱情與耐性是她的座右銘，她說：「鐵杵磨成針，做事要有耐性，everythingispossible，時裝世界你要有個人風格，唔好做copycat。成功要有passion，設計上，唔好諗咁多商業因素，purethinkingofdesign，就一定會有共鳴。」
近年香港政府凡事只從經濟效益看，VivienneTam對此甚為不滿，她說：「我好失望，每一次返香港，喺機場都見到搞tradefair，但冇一次同藝術或者設計有關，缺乏呢啲具創造力嘅交流，希望推動政府做多啲野。」
事業心重男友投訴
談到VivienneTam事業十分成功，但感情上似未有着落時，她說：「我有拍拖，對方都係同一個industry，佢都有抱怨我放太多時間喺工作。不過我係modernwoman，product就係我嘅baby，員工就係我嘅家人。」她又透露未來將在內地開設四間新店。
採訪、攝影：JessicaNgan