股市暢旺，有份揸鑊鏟嘅香港人，應該都有唔少斬獲，有錢自然身痕、想消費，「新論壇」嘅調查發現，市民投資意欲高咗，受訪者當中，話「會多買股票或基金」及「會買股票或基金」嘅比例，就較去年同期分別升4.9及1.8%。
而香港人對消費同樣蠢蠢欲動，咁錢賺得嚟係要使得去嘅，尤其香港人最講享受，中國人一賺到錢就梗係諗換大屋啦，所以話「會買樓或換樓」嘅比例，就較去年同期高咗0.9點，達4.5。
就算唔買樓，諗住「全家人一齊出外旅行」、「會添置或更換家庭耐用品」及「會為家居裝修」嘅受訪者比例都多過去年1.2至4點不等。所以話呢，股市旺真係帶起成個經濟㗎。