31/10/2007.....
有雨
最新動態
火紅年代，香港人每天找新冧巴投資，4個字代號也不夠用，準備用到5位數字；自己尋尋覓覓賭波貼士，今日為爭擂台榜首盡最後努力，不過我始終最愛都係睇足球比賽，最尊崇還是昔日阿仙奴7號仔皮利斯。
雲格「三十不留」政策，令這位與法國同胞亨利出生入死多年，只擔任左中場卻多次成為球會年度次席射手嘅瀟灑球星，未能過渡到阿仙奴新球場，於06年夏天轉投給予他兩年合約嘅維拉利爾；之後卻經歷重創養傷半年之苦，直至今季取代列基美打維軍中場指揮官，再一次證明自己超凡卻低調及不花巧嘅足球智慧。
西甲足球重進攻，不如英超體力化，無論喺馬賽、阿仙奴到現在，一直堅持要穿7號嘅皮利斯，雖已年屆34歲，但應可多踢一兩年；刻下阿仙奴正在重生，今晚喺聯賽盃出場嘅小將個個虎虎有威，望皮利斯能放低06年歐聯決賽因列文被逐，只踢了18分鐘而被換出嘅鬱結，人不能經常回望，30多歲，前路仍是風光明媚。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報