中國東方（581）第二大股東陳寧寧全面收購失敗，事件仲未完結。因為上個月，中國東方開咗次董事局會議，董事局請股東考慮並酌情通過以普通決議案方式批准罷免陳寧寧。噚日中國東方就舉行咗股東特別大會表決呢樣嘢，結果有超過64.31%出席嘅小股東，投票贊成罷免陳寧寧，可能公司未來方向明朗化咗，所以股價收報5.55元，升5.92%。
不過，主席韓敬遠冇得勢不饒人，佢噚日仲話：「陳寧寧的確有好多地方值得學習，而兩個人爭鋒的確令公司形象受損，自己有責任冇得迴避。」佢仲話，做人嘅原則係「幹事業、交朋友」，搵錢要日日打架，寧願唔做。韓總最後話，雖然陳寧寧唔係局中人，但一日係公司嘅股東，都希望可以互提意見喎。
咁咪好囉，家和萬事興，有錢齊齊賺吖嘛！