張栢芝日前接受了有線娛樂新聞台《主播會客室》訪問，大談兒子謝振軒（Lucas）和老公謝霆鋒，節目將於周四播出。
栢芝說︰「Lucas好健康，肥肥白白，佢兩個半月大已經着6個月大BB衫，穿起嚟仲有啲吊腳。」她說知道胎教很重要，所以懷着Lucas時一天到晚都笑，因此Lucas感染了她的快樂，每天最少笑一個小時。
「我鍾意大男人」
栢芝表示不會對Lucas有特別的期望，她說︰「我會慢慢觀察佢嘅長處再培養佢。」主播區永權（Albert）問若Lucas長大後想做藝人，栢芝即面露為難插嘴說︰「我絕對唔希望佢入呢行，我會喊住跪地求佢諗清楚。因為我同霆鋒都知道呢條路好艱苦，試問有邊個父母希望自己嘅仔女吃苦？不過如果佢一意孤行嘅話，我都唔會迫佢。」
有線特別安排一位小男孩即場唱出霆鋒的歌曲《無聲彷有聲》送給栢芝，栢芝感動得眼泛淚光，她說︰「呢首歌好有意義。」又說︰「霆鋒同Lucas好似Twins一樣，老公就等如Lucas。」
栢芝說通常瑣碎事例如水、電、煤氣費等都會由她負責，大事則會由霆鋒決定，她笑說︰「我就係鍾意大男人，我本身性格好強，但對住佢就會自然軟化。」那以後是否盡量不作性感打扮？她說︰「唔係盡量，而係唔可能sexy。其實我好高興，因為咁樣代表佢緊張我。」她又表示即使有很好的電影劇本，若要性感打扮，她也一定不會考慮。
明白奶奶感受
當初和霆鋒秘密結婚，曾一度激嬲奶奶狄波拉，對此栢芝說︰「其實我好諒解佢，如果日後Lucas結婚唔同我講，我都會理解呢個感受。」若將來Lucas真的瞞着她秘密結婚呢？栢芝說︰「我會向他說，算啦，你開心就得喇，因為你爸爸媽媽以前都係咁樣。」
此外，栢芝昨日接受商台電話訪問，表示決定復出是不想老公太辛苦搵錢，奶奶也贊成她拍戲。
撰文：林妃
