有「鐵蝴蝶」之稱、陳太「手袋黨」成員任關佩英昨日談到陳太過去從官場退休，到踏上爭取民主道路的經歷時，一度激動哽咽：「陳太退休後，其實可以作出好多人作出嘅選擇，佢可以跟紅頂白，可以樣樣支持政府，可以鬧晒你哋班民主派，咁就可以保持佢尊貴嘅位置，但佢嘅選擇唔係咁，佢選擇咗一段好難行嘅路，作為佢嘅朋友，我其實好關心佢。」
陳太聞言落淚
任關佩英又透露，陳太組成核心小組後曾遭部份傳媒無理攻擊，她曾問陳太是否害怕，但陳太稱經過郭阿女事件後，認為只要站在真理一邊，都一定不會害怕，「作為一個朋友，我覺得Anson（陳太英文名）永遠都講真心嘅說話。」
她又不點名地提及部份手袋黨成員如王䓪鳴、李麗娟提名保安局前局長葉劉淑儀參選的「倒戈」事件，「你睇吓最近有啲人唔敢行埋佢（陳太）嗰度，唔敢支持佢，以為行埋陳方安生，走近民主派就係自殺嘅道路，但係Anson，我可以話畀你聽，我永遠都係你嘅朋友！」參選後曾坦言感到人情冷暖的陳太，聞言後一度落淚。
本報記者