有美國神童之稱嘅艾度，今季先啱啱加盟葡超賓菲加，點知佢腳頭勁好，早前歐聯先係佢第1次上陣，球隊就喺尾段擊敗咗些路廸。到咗前晚聯賽迎戰馬里廸莫，就算上半場已經有門將昆姆領紅被逐兼輸球12碼，咁好彩對手射唔入之餘，艾度仔後備入替又喺完場前建功反勝2:1。打10個都可以贏得，艾度仲唔係福星？