唔少香港上市公司轉型做資源股，甚至走到去蒙古、馬達加斯加投資；近日有個自稱係中國科威特嘅國內城市嚟香港招商，號稱能源礦產資源豐富。
呢個中國科威特城市叫榆林，係陝西省繼西安之後第二大經濟城市，亦係股價好似神話般飆升嘅神華發源地，應該有番咁上下斤両。至於資源有幾豐富？據榆林市招商局局長王麗華介紹，每平方公里蘊藏達10億元嘅地下財富。另外，4萬多平方公里的土地下有近2700億噸煤炭、預測儲量5萬億立方米天然氣、預測儲量6億噸石油，同6億噸嘅岩鹽。
咁點解唔多企業開發？佢解釋，因為以前交通基建未有咁方便，所以未受關注；不過最近連長江基建都派專人實地考察，應有一定吸引力。