伯明翰大股東楊家誠早前俾主席蘇利雲質疑佢係咪有心全面收購，同埋批評佢喺度耍緊即將約滿嘅領隊布魯士，楊生日前喺英國《每日鏡報》回應，話等佢全面收購咗伯明翰，就會同布魯士續約，仲話會科水俾佢擴軍。我求大俠唔知楊生講真定講假，但伯明翰啱啱止跌回升，上場贏韋根終止4連敗走勢，佢呢番說話，對布魯士應該有安撫作用。