30/10/2007.....
天晴
最新動態
不時聽到身邊嘅波友講，今日幾份波經頭條推介同一隊，都係「擇使」，多數開對家；呢啲陰謀論我唔信，驚影響自己嘅判斷，結果禮拜日多數人撐嘅受讓阿仙奴下盤執番半個，如果法比加斯把握好啲，係咪可以贏埋就見仁見智，但事實係本報波經頭版頭條推介已連中3日。
我視賭波為一種分析嘅遊戲，多睇直播、研究盤路同對賽往績及戰意，缺一不可。自己睇足利記上周中作客土耳其全場後，已在本欄講過利記後防不穩加上上仗耗力甚巨，呢個下盤幾穩；可惜法比仔未竟全功，但做過功課去落注贏到錢，相信波友會認同滿足感更大。
剛睇過一篇報道，原來法比仔正在英國讀遙距西班牙A-level課程，準備考上大學，每周仲有人上門4小時作專人授課；喺球場上，佢係一位只有20歲嘅耀目新星，多踢幾年，隨時成為億萬富翁，但場外仍然孜孜不倦。做人幾時都要增值，吃喝玩樂，崇尚名牌，炒炒賣賣，只係過眼雲煙。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報