前嗰排，堪輿學家楊天命曾經喺自己嘅blog入面話，卜咗支易經第15卦「謙」，根據佢解釋，從卦象推斷港股將會出現波動，而經佢計算所得，今個月17號同埋29號，就係最有可能跌市嘅日子，呢兩日好大機會跌700點。
嗱，對於楊大師嘅預測華華不敢怠慢，即刻睇實個市，結果17號嘅股市未如大師所言，收市報29298，升咗344點，唔通另有玄機？不如等埋29號嘅港股，或者會參透多啲，結果噚日恒指收31586，勁升1181點。
嗱，齋睇表面證供，楊大師嘅預測可以話係「Totalloss！」華華上去楊大師個blog度，佢亦話：「到了今天收市後這刻，不能不承認這趟股市的卜卦，失敗了。」雖然大師估錯市，可能累人輸錢，但大師勝在肯認，呢啲精神，好多股評家都做唔到呀！