10月底又係香港班泰國粉絲「回鄉」旅遊季節，明明姐啱啱返嚟，話物價貴咗，「以前嗰邊買嘢唔使睇價錢，𠵱家要喇。」小妹冇去一輪，好多嘢都唔同咗嘞。泰國通胡慧冲早幾日報料話，外國雜誌選為全球最型酒店嘅曼谷Reflections執咗！
小妹都住過呢間酒店，酒店房好搞嘢，其中一間房用金魚缸隔住個厠所同睡房。胡慧冲笑稱，酒店老闆將喺地鐵站SaphanKwai重開，有成40間房，暫時開咗16間，房租約2,000幾Baht（約港幣500元），網址 http://www.reflections-thai.com。
佢又話，下月中曼谷又多一間五星級酒店，叫做GrandeCentrePointHotels&ResidenceRatchadamri，房間有廚房、客廳同40吋大電視。冲哥同永安旅遊搞咗個四天團，11月22日出發，搶先住呢間，團費6,599元。
冲哥仲送30本最新版《曼谷超級好路數》畀消費blog粉絲，有興趣就將姓名、聯絡電話，電郵去mailto:[email protected]，註明「蘋果消費blog讀者索取《曼谷超級好路數》」，每人一本，先到先得。
逢周一至周四刊出