周麗淇（Niki）昨日在將軍澳電視城與EO2等綵排歌星賀台慶節目，她跳舞轉身時不慎扭傷膝蓋，痛得跌坐在地，後到浸會醫院求診，只見Niki右腳敷着冰，並以紗布包紮，在門診輪候看醫生，經醫生診治後，今日Niki要再到醫院照磁力共振，她說：「我跳時聽到膝頭『啪』咗兩聲，然後企唔到，𠵱家未知做唔做到台慶，要過兩日睇醫生點講。」Niki謂不想家人擔心，故未有通知，問到緋聞男友鄭嘉穎有否問候，她則只笑不語。
關心妍緊張
此外，關心妍（Jade）昨日到黃埔出席萬聖節活動時得知Niki受傷後顯得十分緊張，並即時追問助手有關情況，她說：「如果一陣有時間我都會過去探佢，話晒我哋跳舞都唔係咁在行，好易受傷，自己排鋼管舞都搞到手腳瘀晒。」
採訪、攝影：魯萍、李珮洳