有點小毛病，資深中醫師指是城市人常見之病，看病時跟醫師的一席話，值得同各位現代球迷分享一下:
醫：你係地球人，唔係火星人。日間工作活動，晚上就要休息睡覺。夜晚唔瞓覺，睡眠不足，積聚虛火梗係會病。
我：醫師，好多人都要當夜班，亦有好多生物日頭瞓覺㗎，唔係平均瞓到7、8個鐘就得咩？
醫：每種生物有自己的生理時鐘，你試吓拎隻貓頭鷹來做實驗，日光日白時猛同佢玩，掉轉夜晚唔理佢畀佢瞓覺；3、4日後隻貓頭鷹應該會畀你玩死。人都係，長期日夜顛倒，易死好多。
我：哎，現代城市人難免有夜生活，就算唔出街蒲食煙飲酒，有時睇吓足球都得啩？而外國波有時差，要捱夜才有得睇。點樣補番數好呢？
醫：捱夜其實好難補得番，係都要睇嘅，煲定啲清補涼，捱夜前後幾日都要飲。
我：……
睇夜波原來代價咁大？香港球市亦不妨借助這保健理論，鼓勵球迷睇多啲本土賽事好了。
張美德
mailto:[email protected]