港股9月期指結算喺27000水平，𠵱家已經升到30000點樓上，好友head住幾千點，明日期指結算，上個禮拜五花旗股市造好，如果你係好友大戶，你今日會點造？今日港股應會出現大成交急升嘅局面。
花旗呢個禮拜減息半厘嘅機會越嚟越大，地產股升勢會持續，𠵱家係大藍籌主導嘅市況，加埋要挾高期指結算，長實（001）同新地（016）一定係焦點。另外會大升就係大落後重磅藍籌股，大家應該會諗起和黃（013）。
和黃C輪6580：和黃喺80至87元橫行咗個幾月，遠遠落後大市，上個禮拜五抽上90元樓上收市，成交急增，破頂後第一個目標105元，跟住就睇115元，可以買啲C輪6580，上周五收1.6元，槓桿率5.6倍（有效4.6倍），對冲值0.82，正股升上105元同115元，6580應該喺2.88元同3.84元樓上，係食大茶飯嘅機會，正股跌穿86元止蝕。