前晚些路廸喺蘇超主場對馬瑟韋爾，憑倒戈前鋒史葛麥當奴大演帽子戲法贏3:0。史葛麥當奴原來嚟自澳洲，上月底亦試過中三元，幫球隊贏登地聯3:0，唔怪得啲人將佢同踢過些路廸嘅澳洲球星維度卡相提並論啦！話時話，些路廸另一前鋒基倫來自新西蘭，呢場佢同史葛麥當奴一齊上陣就組成大洋洲雙箭頭，都算另類。