29/10/07.....
天晴
最新動態
我同好多港人一樣，習慣落樓下間茶餐廳幫襯，睇吓人生百態，茶客會邊嘆奶茶邊嘆報紙，喺嗰度用自己對眼做民調，好過你坐喺冷氣房諗讀者想睇乜。但話時話，真係好多人用6蚊買份報紙只刨馬經、波經同財經。
可惜，幫襯咗幾年、幾乎入到去阿姐都知你食乜嗰間茶餐廳，咁好生意都突然結業，原來又係業主收回；唉，恒指衝破30,000點，水漲船高，舖租飛升，小生意難做；但自己不喜去集團式經營嘅快餐店，嫌食物唔新鮮，製法求其，仲經常人山人海，你咪以為價錢好抵，其實每個快餐暗中加一兩蚊，佢哋都肚滿腸肥咯。你睇吓啲快餐股股價就明白嘞。
中唔到海倫芬「客其他」波膽，噚日貼中更冷嘅50倍前鋒「客其他」波膽，希望擁躉買中之餘，自己亦一嘗做每月榜首嘅虛榮感；講到喺茶餐廳睇績刨波，你千祈咪盡信今晚屈福特近期卓越嘅紙上賽績，水晶宮新帥禾諾克必顯顏色，呢個下盤我幾有信心。
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！