所謂人怕出名豬怕肥，巴塞隆拿球星美斯最近新居入伙，唔知係咪冇拜4隻角，上周五居然有賊佬光顧，最令佢傷心係冇咗好多有紀念價值嘅嘢。我求大俠覺得美斯仲後生，往後仲有大把機會獲獎，一於抹亁眼淚畀心機踢波啦！據講美斯間屋喺市郊治安麻麻，好彩附近有幾位巴塞隊友做鄰居，日後真係要相互照應喇！