上個禮拜五，恒指終於衝破三萬點關口，多少都拜市場猜測美國減息所賜。唔少散戶網友都估美國會減息，Ncream2006就話：「100%相信美聯儲局會減息。」蠱惑佬亦話：「減就減緊㗎啦，只係睇佢會減幾多啫！」
Siu99諗：「如果美國再減半厘，港股有機會衝上32000點。」投資王更話：「𠵱家國企業績上調、全球熱錢充斥香港、樓市興旺、QDII，如果再加埋減息刺激，港股冇咁容易散。」但Brookieleung話：「美股升都係因為憧憬佢會減息，如果唔減，真係冇眼睇！」除咗顧住個股市，Psplayer話：「買咗紐元做高息定期，兼博埋升值。」
一旦不減息 或股災
雖然好多人估美國減息，但減幾多網友就有唔同意見，TYSON估「應該會減四分之一厘。」Citymentor話：「家陣油價咁高，話冇通脹壓力就呃人，就算要減，空間都好有限。」不過，Kevinelevan覺得：「美國點都要顧住通脹，有可能唔減㗎。」Hoikittsang有啲擔心：「如果係咁，分分鐘股災都有！」
http://www18.discuss.com.hk/viewthread.php?tid=5637200&highlight=%B4%EE%AE%A7