好多人用魚缸嚟形容股市，但好有創意嘅leesiulong就用咗另一個比喻，佢仲講咗呢個故事畀大家聽：「從前有一個金礦，裏面有大量黃金，大家可以隨便按自己能力拎最多嘅，不過金礦係會關門，門一關可能一年先出番金礦。今日我終於喺金礦出番嚟，等冇咁多人先返去。你呢？」
波動市 可揀離開金礦
明眼人一睇就知佢講緊股市，喺風高浪急嘅股市中，leesiulong選擇暫別一陣，chachamouse亦話：「我平時就算幾趕時間，當地鐵車門bidbid聲時，我都唔敢衝入去㗎，因為我有俾門夾嘅經驗，可能一直唔大膽，所以我好早已經沽清股票，𠵱家主要玩一兩日就放，買啲未有炒味嘅股。」
不過，fishpig2006就話：「門一關可能一年先出返金礦，一或兩年唔係問題，長線投資需要時間。」
okoklam唔係長線投資者，但一樣唔驚，仲賴叻話：「我係由後門同走火通道出入，無人知㗎！」
http://www12.discuss.com.hk/viewthread.php?tid=5529285&extra=page%3D4&page=2