1.星期六16車路士vs曼城
波膽：3:0
信心指數：★★★
車路士在聯賽主場累積67場不敗，這個紀錄已解釋為何今日睇好佢哋可以大勝曼城。前任領隊摩連奴在史丹福橋球場，將車路士打造成一支不敗雄師，至今已經足足3季保持不敗，呢個驚人紀錄在歐洲球壇首屈一指。
雖然早前摩帥離隊令到車路士內部變得「立立亂」，不過時過境遷，隨着藍戰士3個星期前喺歐聯作客擊敗華倫西亞，重振球隊士氣後，接連在聯賽擊退保頓同米杜士堡，剛剛喺歐聯又贏埋史浩克04，近3場波仲場場「清白身」，重現車仔昔日的堅固防守。
更重要前線幾位攻擊球員「着晒火」，像杜奧巴同馬隆達，加上林柏特早前受傷後，近期小休復出，表現開始上力，縱使同佢早幾季最高水準，經常後上入波有點距離，不過應該都有8、9成，配合幾個當「弗」前鋒，實在諗唔到有乜理由唔捧佢哋場。以車路士近期氣勢，相信今日對住作客例腳軟的曼城，這3分可以話十拿九穩。
曼城狀態下滑遇市虎
對手曼城目前之所以排在聯賽前列位置，其實主要靠主場成績，而季初有能力響主場挫曼聯，一點也不簡單，問題是當時曼聯仍未上力，其後作客不敵阿仙奴同布力般流浪，僅和榜尾掙扎求存嘅富咸只踢成3:3，就睇到曼城呢隊波，作客表現最少要打個8折。
其實曼城近期演出已開始有點下滑，比較明顯是中後場效率開始減慢，如今日作客未能改善中場，面對車路士目前嘅強勢，可以話等同自殺；考慮到「車主強、曼客弱」，而足智彩開出車路士W有1.45倍，其實算好分頭，而我今次比較進取點，以捧車路士淨勝兩球，另串射曼聯[-1]開「主勝」同平手盤的紐卡素。
2.星期六15伯明翰vs韋根
波膽：1:0
信心指數：★
球迷可能唔知，伯明翰同韋根原來係今季英超暫時射門命中率最低，排倒數第2及3位，而韋根對上5場作客波輸咗4場，預計佢哋今場都唔會有咩突破，估計伯明翰有機會藉主場之利，小勝1球重開勝門。
3.星期六17曼聯vs米杜士堡
波膽：4:0
信心指數：★★★
曼聯狀態係點，球迷單睇賽績應該可以搵到答案，近3場每場都轟入4球，當中朗尼是入球停不了，連埋英格蘭的比賽，呢位射手近6場都有「士哥」。米杜士堡近績之差可謂嚇死人，而戰績差與防守不濟有關，只是球員質素有限，實在好難逃過被「炒」的命運。
4.星期六18雷丁vs紐卡素
波膽：1:2
信心指數：★★
先旨聲明，紐卡素作客表現其實唔算好，不過，撞正今季表現走樣嘅雷丁，始絡都係捧紐卡素。紐卡素近期在主場的表現有起色，更加重要我愛將祖爾巴頓傷癒復出夥拍安利，中場線生晒，紐記有機會作客贏番場。
5.星期六19新特蘭vs富咸
波膽：2:1
信心指數：★
數一數，原來富咸已經連續21場客場不勝，睇到呢個統計就知今場作客對新特蘭應該點做。新特蘭想保得住英超席位，同級賽事好關鍵，而前鋒堅韋尼鍾斯自從由修咸頓加盟後，狀態「弗」到漏，相信可以幫到新特蘭主場贏波。
6.星期六45樸茨茅夫vs韋斯咸
波膽：3:1
信心指數：★★
有睇開我專欄的球迷都知道，樸茨茅夫係我嘅愛隊，雖然今季佢哋主場只贏過兩次，但可狂數雷丁，另外，強如曼聯同利物浦到訪都只得1分。今場對住踢作客波只係一般的韋斯咸，我會建議大家可再捧老樸。
7.星期日8保頓vs阿士東維拉
波膽：1:1
信心指數：★
維拉上場畀曼聯大炒，兼有李奧曲加同卡臣停賽，周日作客保頓要搶分有困難。不過維拉原來經已有25場未試過連敗，足證呢隊波球員的整體心理素質有幾強。加上對手保頓實力有限，打算小試維拉作客和波。
8.星期日12打比郡vs愛華頓
波膽：1:0
信心指數：★
好多人都唔睇好打比郡，不過今個星期我就睇好佢哋可以砌低愛華頓。主要係因為「拖肥糖」剛踢完歐洲足協盃，返到嚟本土聯賽又即刻要作客，點都蝕底，加上打比郡上場對富咸有好演出，以逸待勞有力爆冷。
9.星期日28熱刺vs布力般流浪
波膽：1:1
信心指數：★
熱刺聯賽輸畀紐卡素，領隊祖爾被炒，今場對住可以專心應付英超嘅布力般照計都幾難反彈，因布力般幾個攻擊球員如賓尼、麥卡菲、辛達告魯斯同摩頓柏達臣狀態唔錯，不過熱刺主場始終有啲威力，有力保住1分。
10.星期日31利物浦vs阿仙奴
波膽：1:1
信心指數：★★
利物浦在歐聯又輸，真係跌到一地眼鏡，周日主場對住勢兇夾惡嘅阿仙奴，可以話全面被睇死。不過永遠唔好低估受傷嘅老虎，始終紅軍在今季聯賽不敗，加上聯賽同歐聯係兩項完全唔同嘅賽事，如果因為咁樣而睇死佢哋並不明智。
註：以5★為最高
「暢譚英超」周末推介（10月份）
混合3x1：
星期六16車路士勝[-1]（2.4）x
星期六17曼聯勝[-1]（1.57）x
星期六18紐卡素（平）（1.9）@500
波膽2x1：
星期六16車路士2:0（6）、3:0（11）x
星期六17曼聯3:0（6.5）、4:0（9）@200
全日投注：1,300分
上次賺蝕：-103分
累計結餘：92,328分
規則：全季底分為100,000分，每次最多投注2,000分，以周二及周六見報貼士計。
譚拔士
5屆香港神射手，在效力南華及東方合共射入超過200球，被譽為歷來最佳外援中鋒；現於英國skybet任公關主任及足球博彩節目主持。
電郵：mailto:[email protected]