網友直擊:賊出沒注意!大圍貓BB連環失蹤

網友直擊:賊出沒注意!大圍貓BB連環失蹤

幼貓渴市,隨時成為不法之徒目標。網民報料指,沙田大圍不少邨民稱近日出現偷貓賊,專向出生數個月的小貓下手,十分無品。

據「candylovers」稱,他居於大圍某屋邨,邨內一藥房的小貓日前無故失蹤,初時以為牠頑皮出外玩耍,但多日後也沒有現身,藥房老闆相信寵物已遭偷走。「佢平時好乖,唔鍾意周圍走,老闆話應該係俾人拎走咗。係隻家貓,好可愛,白色毛為主,大約三個月大。」

恐三分鐘熱度 玩完即棄

由於屋邨不容許商戶養貓,故藥房老闆不見了貓也不能高調尋貓,十分無奈。
他指貓仔年幼,不像大貓般懂得保護自己,不法之徒更容易下手,現時只希望小貓有個好歸宿,「如果偷佢嘅人真心對佢好,佢都冇咁慘,不過偷得貓都唔慌好人,最怕係三分鐘熱度,玩完又唔要佢。」
「zerozzz」安慰他不要太擔心,可能有奇迹出現,「可能係啲細路見到得意拎去玩,遲啲會交番出嚟。」「Gino」認為如果是小孩偷貓,隻貓便凶多吉少,「啲細路俾阿媽鬧兩鬧,唔養得丟番出街,隻貓仔仲慘。」小網希望偷貓者把牠交回主人,真的愛貓又無錢買,可以領養,相信很多貓仔要人照顧。
http://www9.discuss.com.hk/viewthread.php?tid=5567297&extra=&page=1

《蘋果》網聞版請你報料!大家無論在網上網外發現任何騎呢搞笑的事情,
都歡迎提供照片或短片資料。一經採用可獲酬100元
請附姓名、電話及電郵地址,電郵到:mailto:[email protected]