陳奕迅（Eason）前晚在紅館舉行頭場個唱，與男女舞蹈員混戰大跳色慾辣身舞，超激演出令全場觀眾看至鴉雀無聲，但他只得3歲的女兒康堤卻沒看懂，在父親獻唱至《浮誇》前已在母親懷裏入睡，大朋友和小朋友愛看的東西，果然是截然不同的。
陳奕迅前晚在紅館為其15場「EASON'SMOVINGONSTAGE1」演唱會揭開序幕，完場後他宣佈第五度加開下月6日一場，共演16場，加場門票下周一公開發售。今次Eason開三面台，只設8,000座位，比四面台少了3,000個座位，舞台設計可隨不同環節換上不同圖樣，令觀眾嘩聲四起。不過整晚最震撼的，莫過於Eason獻唱《熱島小夜曲》時，與穿上內衣褲的男女舞蹈員大跳辣身舞。
自稱嚇親
「咁大個第一次俾女圍」
那一場男與男、女與女，以及男與女都身體緊貼的迷幻色慾派對場面，眾人互相撫摸跳舞，更模仿出超激性愛動作，Eason除埋首女舞蹈員的胸口及摸對方屁股外，也面貼面與男舞蹈員假裝咀嘴，全場觀眾看得鴉雀無聲，Eason跳完也不禁抹汗，笑說：「俾啲dancers嚇一跳，綵排時佢哋唔係着得咁少衫，我都差啲錫咗落去，咁大個仔第一次俾女圍，俾仔圍就慣，估唔到結咗婚仲有仔搞，呢個世界已經變緊。」
父親在台上大跳情慾舞，Eason女兒康堤則在台下由母親徐濠縈陪同觀看，但看到Eason唱《浮誇》前，她已忍不住躺在母親懷裏入睡。事後Eason說：「唔會教壞個女，跳舞咋喎。」問他可有碰到舞蹈員的重要部位？Eason說：「唔記得，應該係彈到會痛嘅部位，我自己就唔為意。」
除色慾派對外，Eason穿上西裝跳舞也甚有艷福，他跳到最後躺在地上，一眾穿傘裙的女舞蹈員則排着隊跨過他，讓他盡覽裙底春光，Eason還故意伸手撥她們的裙襬。其後Eason穿上由三件中式裙褂的龍鳳圖案布做成的Hiphop服時，手戴六對龍鳳鈪、頸戴結婚金牌鏈及戴着一條三斤重的金褲鏈，又跳又唱，事後他謂手腕被金鈪刮傷，獻唱時耳咪又不慎跌下，他本想以舌頭將之托回但不敢，結果整首歌幾乎沒有聲音。
換衫太耐
「連你個女都瞓着呀」
另外Eason唱《最佳損友》及《粵語殘片》時，也有甩嘴忘詞情況，他相當介懷的說：「頭場係有呢啲嘢，今晚狀態未係最好。」還好觀眾反應不俗，還大玩人浪，但因換台換衫的間場時間太久，其間有觀眾等得不耐煩大叫：「好悶呀，快啲啦。」又有人叫：「連你個女都瞓着呀。」不過完場時，觀眾還是坐了五分鐘叫encore，穿窄身褲的Eason再出場時笑自己腳粗，自爆大腿24吋，小腿約18吋，他又忍不住當眾𢱑褲襠，然後說：「Sorry，結咗婚都係咁，你哋都係鍾意以前嘅陳奕迅多啲？」然後又故意再𢱑褲襠及屁股，又挖鼻孔來搞笑，他最後唱罷《與我常在》才完騷。
談到加場，Eason說：「唔好意思加場咁多次，好似好冇口齒咁，我11月7同8號要再綵排，因為9號10號個騷有少少唔同，所以真係鐵定唔會再加。」至於服飾像反串女人，Eason說：「𠵱家世界都冇分，男女反串都冇所謂。」
採訪：馬建華 攝影：陳偉權
街訪：觀眾大讚舞出色
陳奕迅出名是唱得之一，開騷自然吸引不少圈中人及fans往捧場，眾人欣賞過頭場演出後，多大讚演出有心思，但略嫌間場時間太多。
梁靖琪：我畀9分，個騷好好睇好另類，我最鍾意開場好似結婚咁，好開心，可能我恨嫁啦。我好鍾意聽Eason唱歌，佢跳舞都好好睇，雖然許志安都做過好sexy嗰啲舞，但估唔到Eason都可以，我覺得幾好睇。
何嘉莉：我畀8分，舞台設計真係好有心思，整體都好好，我覺得非常之好睇，唔好嘅只不過係佢第一場會有少少瑕疵，要畀少少時間Easonwarmup，之後應該冇問題。
陳小姐：8分，間場時間太長，有少少悶，舞台setting好靚，最好睇係Eason跳舞，成個騷幾新鮮。
張小姐：我畀10分，跳舞嗰part好好睇，但Eason可以講番多啲嘢，冷場太多。
梁小姐：9分，過場太多，少少悶，但Eason跳舞好好睇，有啲估唔到，佢又跳得唔錯喎。
