陳奕迅今次個唱的服飾，均由黃偉文（Wyman）負責，且聽他親自解說：「Eason呢次演唱會造型最大嘅主題係男藝人歌衫加入女裝嘅元素，條路唔止係張國榮做過嘅有型，或者係艾粒做緊嘅搞笑，喺舞台上乜嘢都可以發生，Eason亦係着乜都冇問題嘅，因為冇嘢可以破壞佢嘅歌聲。」Wyman表示在造型上試裙褂及和服都是希望撞出一條新路，他更聲言沒有收取酬勞：「我希望不如將畀我嗰筆錢擺埋落衫嘅budget度，起碼𠵱家可以盡情、癲到剪爛套DiorHomme，唔係剪爛套Kitterick！」
撰文：梁錦貞 攝影：陳偉權
情比金堅
Wyman：呢件衫係：「情與義，值百両金」，個個藝人開演唱會都識搵鑽石贊助，玩落去只係數字比賽，冇心思嘅，我諗呢個造型係我一心想睇Bollywood出現喺紅館，Eason呢套衫好重，成百両金，淨係條褲鏈都重三斤，仲要着住跳晒舞。
同志新娘
Wyman：呢個look係我7月去巴黎時白撞走上Impasse13嘅showroom，對方幫Dior同DiorHomme設計配件好耐，𠵱家自立門戶，我以即管一試要求佢為Eason設計一套咁嘅衫，哈，又應承噃，頭紗就係StephenJones（Dior御用headpiece名師）嘅大作。
英日藝伎
Wyman：7月去完巴黎睇男裝騷之後就再去東京搵呢啲vintage日本和服，再將都係vintage嘅Burberrytrenchcoat駁成一件，都係想表達男歌手演唱會衫一樣有女裝元素呢個主題。
安哥學字
Wyman：我幫Eason諗咗幾件Tee，算係HouseofHollandsloganTee嘅變奏，係將佢嗰晚會encore嗰首歌譯成英文，印上硬膠字體。
雌雄同體
Wyman：呢個造型係DiorHommemeetsValentino，係想展示舞台luxury一面同埋結合男女禮服喺一齊，我哋買咗套幾萬蚊嘅DiorHomme禮服，剪爛佢、淨係保留膊頭同領口，再作加工，StephenJones頂headpiece係Eason6月時去倫敦，擺低晒頭形size資料，之前亦都畀晒Eason以前個唱DVD畀佢睇。
賞析角：心思盡顯 猶欠緊湊
三面台可以做甚麼？Eason告訴我們：可能性極多，不過要花點時間。由日本ChageandAska御用製作人大久保設計可以換樣的舞台，感覺華麗有心思，長樓梯讓人想起梅艷芳最後的個唱。可惜是間場換台時間久了，節目不夠緊湊。無論如何，台、燈及聲都好。
選曲與上次個唱沒多少重複，Eason跳舞不俗，但前晚唱得不算最好，他可以唱得更好（我們對陳奕迅的要求越來越高，話晒A班生）。水準盡發揮，節目再緊湊一點的話，整個騷就只能有一個最貼切的形容詞：正！現在只可說是「很有型」。
Wyman主理服裝，絕不失禮，尤其頭紗紙帽等點綴物極之出色，不得不提金飾贊助成串龍鳳金鈪，襯娘爆hiphoplook，在Eason而不是八両金身上就絕對冇問題！
撰文：蔡如玉