近排喺屋企追日劇，除咗睇吾中推介由福山雅治擔正嘅《神探伽利略》之外，仲有偶像反町隆史嗰套《DreamAgain》。福山雖則成38歲人，但望落比33歲嘅反町後生得多，話佢得30歲都有人信。個樣老餅定後生，個人認為真係天生，身邊有朋友年過30，但係望落似26、7歲，有時真係唔恨得咁多。話時話，個樣老唔老對男人影響唔大，但同女人就好關事，皆因過咗30都想望落去似廿幾，無他嘅，唔想俾人話係中女、甚至係熟女。
講完日劇，言歸正傳講番波。吾中今屆嘅德甲禮拜五場好厲害，未計噚晚場法蘭克福對漢諾威，推9場，9場未輸過，仲中咗幾次波膽，令我呢個前德甲專家甘拜下風。吾中醒場好嘢畀我，話史浩克對不來梅開硬入球「大」，好，一於信佢！
入球大細：史浩克04大
心得：不來梅嘅火力返晒嚟
近5場往績：贏贏贏贏贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。