2007年中華國際小姐冠軍、「翻版盧淑儀」宋熙年，得獎後即簽約無綫，展開銀色旅途。今年22歲的她性格開朗，對娛樂圈充滿好奇，更定下3年目標，希望好像師姐鍾嘉欣一樣，3年內能置業買樓又奪獎。
以前的華裔小姐，即是現在的中華國際小姐，當中有很多得獎佳麗留港發展，代表人物包括廖碧兒、鍾嘉欣和陳法拉，今年則有宋熙年。
問宋熙年為何選擇留港進軍娛樂圈，她日前說：「其實仲有一年先讀完學士，今次有機會返嚟香港發展，我想試吓，就畀自己3年時間，睇吓娛樂圈適唔適合我，其實我見到之前好多師姐，好似廖碧兒、鍾嘉欣同陳法拉咁，發展都唔錯。𠵱家我喺無綫收費台做主播，最近仲有機會演出劇集《當狗愛上貓》㖭。」
作多方面發展
幾位師姐都是以性感形象殺出一條血路，宋熙年又想以甚麼形象突出自己？她說：「我唔知自己應該行邊條路，但我覺得自己唔係性感，因為我身材唔係玲瓏浮凸，我好多嘢講、好開心，相信我帶畀其他人係一個健康活潑嘅感覺，所以我會以師姐鍾嘉欣做學習對象，努力拍劇、做主持，多方面嘗試，目標係喺3年內可以好似嘉欣咁，攞到飛躍女藝人獎，仲可以喺香港買樓。」
採訪：楊潔雯 攝影：陳俊強
服裝提供：Hanayaka、ArmaniExchange
場地提供：海港城
