張敬軒（左）同鄧健泓（右）噚日為下月三號舉行嘅《翡翠歌星賀台慶》綵排，佢哋到時會以半男半女嘅造型又跳又唱。排舞嗰陣仲專登將自己嘅左邊面化成女妝，之後仲即場互相剃去左腳腳毛，張敬軒話：「會黐假眼睫毛同裝假胸，由於我着41號鞋，所以要訂做先有啱我哋尺寸嘅高踭鞋，我哋都係第一次剃腳毛。」