一個是滑浪品牌Quiksilver，一個是日本人氣潮牌GDC，本應各不相干。全因GDC主腦熊谷隆志對滑浪的瘋狂，促成破天荒合作。講的並唔係一次半次的交叉作，而是GDC熊谷以設計師身份，全權負責Quiksilver日本新Line──QuiksilverCulture。此系列在日本其實已準備推出第二季產品，不過之前香港冇得賣，得個恨字。但11月開始，香港代理將引入發售，今日《蘋果》就專誠走訪日本，跟大師大談新計劃。不過想一睹07秋冬QuiksilverCulture新貨就要等到11月15日喇！
記者：許維雅
攝影：黃子偉
Model：DaisukeOtsuki
「朋友多，交叉作繼續有來！」
蘋果：其實怎麼會幫Quiksilver設計這條CultureLine？
熊谷：我本身喜歡滑浪，之前一直好喜歡Quiksilver。3年前，我主動找他們，希望可以幫他們做一些拍攝工作，如影Catalogue。但他們覺得合作可以不至於此，就慢慢商量出一條新Line的企劃。
蘋果：你自己的品牌GDC同樣可生產Surfing產品，為何要幫Quiksilver設計呢？當知道有機會合作，第一件事，想設計甚麼？
熊谷：其實GDC之前亦有出過Surfing衣物，但始終欠缺工場及技術，唔夠Professional。有他們幫我生產，我可以放心地發揮設計，款式同Cutting，他們有專業的技術及物料。我希望可以帶多些不同設計主題給QuiksilverCulture，感覺Casual得來要有設計，更希望KellySlater（07年的世界滑浪冠軍）可以着住我設計的Quiksilver產品滑浪。
蘋果：你對Crossover有特別喜好？為何會跟Porter合作？
熊谷：因為Porter係另一個我十分欣賞的牌子，加上我跟他們的老闆係好朋友，所以促成今次合作。當然，他們同樣有其獨特的造袋技術及工場，潮流互相交流係一件好事。
蘋果：跟你合作的，似乎都係你朋友。你有好多朋友，是嗎？
熊谷：哈哈哈……係。全部都係我欣賞的設計師，太多喇，我有時亦要選擇。
「住海邊，滑完浪返工！」
蘋果：你每日要工作12小時。還有時間滑浪？
熊谷：係呀。每日工作排山倒海，有好多事都會分配給其他人做，哈哈，唔好寫呀，當然我會主力設計的工作。我係一個GoodTimer同埋GoodPlanner。
蘋果：你幾耐會滑一次浪？不如談談你對滑浪的感覺？
熊谷：我住海邊，不時朝早會滑浪，然後食早餐，嘆杯咖啡再返工。每星期Keep住兩至三日，每次滑兩至三個小時。這樣可保持身體健康。別人做Gym我就滑浪，對住個海，好舒服，好Relax。
蘋果：新Line的設計方向是怎樣？跟GDC又如何平衡？
熊谷：我一直希望可以將QuiksilverCulture設計成70年代尾至80年代頭的味道，頭兩季會Basic一點，之後必定會越來越Aggressive，更多懷舊味道，同GDC好唔同。新一季，我最喜歡的產品就係黑色的NapoleonJacket。
蘋果：品牌有很多SlimCut產品，希望走HighFashion路線？
熊谷：其實SlimCut係大趨勢。即使現在的加州滑浪男孩，大部份都會作窄身打扮。我希望可以設計得更Aggressive，更有80年代味道，亦會嘗試設計一些OrganicProduct。至於我自己，會推出一本新書，出年更會去夏威夷搞一個展覽。
Quiksilver×Porter迷彩革命
邀得熊谷QuiksilverCulture設計，除成功為品牌帶來全新元素，透過熊谷，又可跟不同類型的設計師合作。跟YoshitaPorter共同推出的迷彩袋，其洗水迷彩圖案，熊谷聲稱只用了1分鐘時間設計。絕對係在眾多Crossover系列之中最突出，革命成功，全靠迷彩突圍。袋款只有3個款式。以袋內的橙色絹料凸顯Porter特色，單單是熊谷的設計，日本Porter生產，已經是入貨保證。（全系列未定價，11月15日香港上架）
08春夏織紋袋搶先睇！
雖然07秋冬新貨還未上架，熊谷早於上星期已搶先為新一季QuiksilverCulture於日本大搞08年發佈，讓一眾買手準備入貨。款式確如熊谷所言，帶80年代的味道，用上紅紅綠綠等鮮色，配上誇張搶眼的Logo圖案。袋方面，繼續跟Porter合作，棄迷彩，重新設計了兩款黑白色Monogram圖案，搶眼有型。春夏Crossover企劃就送上日牌NobuIkeguchi飾物，朋友一籮籮的熊谷必定每季都帶來新驚喜，請拭目以待！（08春季有售）
熊谷最愛
這張係熊谷親自拍攝的StylingImage相片，08春夏全新Collection之中，熊谷最喜歡就係黑色的NapoleonJacket。
店舖查詢：
Quiksilver（28955948）
銅鑼灣禮頓道9至11號地下A