25/10/2007.....
天晴
最新動態
阿仙奴12連勝兼亞洲盤全勝，賭友長追笑逐顏開，作為「粉絲」應該未開心得住，若然呢班小虎隊未來兩周可以喺聯賽打敗利記同紅魔，先值得慶賀；不過大炒捷克軍，又打起個轉打箭頭嘅禾確特，雲格個WinningEleven（勝利11人）又多樣武器，列文、基拔圖施華、狄亞拉要繼續坐喺後備席發牢騷囉。
寧買當頭起，無理由去追佢斷路；相反頹到好似今晚足協盃出場嘅保頓同熱刺咁，真係咪咁大注博反底。熱刺擺明防線有問題，剛剛禮拜一輸畀紐記時更出細路仔把關；但有個博彩節目居然花十幾廿分鐘齋講盤路心法，談論紐記少讓唔應該高水，必屬鬼盤，真搞笑。
另外，保頓近季對列強盤路硬淨，艾拿廸斯一去，成隻冇牙老虎；你同我研究佢哋過往盤路，真係盞嘥氣。球賽分析要全面睇，不應淨係睇一兩個莊家嘅心意，收集軍情多睇球賽，輸錢都服啲。
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！