26/10/07
天晴
最新動態
前晚深深感受粉絲喺場內嘅威力，日本球迷齊心助紅鑽、車仔門票大賤賣後，坐爆4萬人擊退史浩克、皇馬靠巴拿比奴超強氣勢，由羅賓奴左路扭動蛇腰反勝希臘軍；最後比錫達斯球場只能坐3萬多人，但擁躉彷彿在打造新地獄球場，擊退利記合情合理。
果然冇看錯英冠異軍布里斯托城，大字標題中2:1，希望補償到禮拜二貼高雲地利嘅創痛；可惜串利物浦單W泡湯，紅軍實傷盡擁躉同捧場客心。賓帥調兵失準，堅持重用賓納已不知跌掉幾多副眼鏡，賴恩巴布太獨食，踢咗兩個多月，與禾路連及古積特仍經常走錯位，不斷改動陣容嘅惡果？最致命係後防傷兵多，焗用急劇退化嘅希比亞拍加歷查，禮拜日阿仙奴鋒將可以偷笑。
個人估計今場冇出嘅沙比阿朗素及施素高，會喺周日擔正，以西班牙兵制對方西班牙大腦法比仔，陣容有缺陷，圖靠晏菲路威力想打斷兵工廠12連勝氣勢，各地不少莊家開出利記讓平/半高水，吓，咁筍？
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報