巴西「老狼」羅馬里奧周一又有新任務，巴甲球隊華斯高正式委任佢做臨時教練兼球員，唔知呢位成日同教練作對嘅球星，會點樣管教球員呢？從周一首課訓練睇嚟，班球員都幾服佢老人家，周三南球盃（相當於歐協盃）8強次回合對墨西哥嘅CF阿美利加，將會係佢執教嘅第一場波，希望佢哋至少贏兩球順利晉級啦！